(Al centro: Felicia Bartolotta, mamma di Peppino Impastato)

“Chistu unn’è me figghiu.
Chisti unn’ su li so manu.
Chista unn’è la so facci.
Sti quattro pizzudda di carni un li fici iu.
Me figghiu era la vuci chi grirava ‘nta chiazza

era lu rasolu ammulatu di li so paroli
era la rabbia
era l’amuri
chi vulia nasciri
chi vulia crisciri.
Chistu era me figghiu quannu era vivu,
quannu luttava cu tutti:
mafiusi, fascisti, omini di panza
ca un vannu mancu un suordu
patri senza figghi
lupi senza pietà.
Parru cu iddu vivu
un sacciu parrari cu li morti.
L’aspettu iornu e notti,
ora si grapi la porta,
trasi, m’abbrazza,
lu chiamu, è nna so stanza chi sturia,
ora nesci, ora torna,
la facci niura comu la notti,
ma si riri è lu suli chi spunta pi la prima vota,
lu suli picciriddu.
Chistu unn’è me figghiu,
stu tabbutu chinu di pizzudda di carni
unn’è Pippinu.
Cca rintra ci sunnu tutti li figghi
chi un puottiru naciri di n’autra Sicilia.”

Traduzione:

Questo non è mio figlio. 

Queste non sono le sue mani, 
questo non è il suo volto, 
questi brandelli di carne non li ho fatti io. 

Mio figlio era la voce che gridava nella piazza, era il rasoio affilato dalle sue parole, era la rabbia, era l’amore che voleva nascere, che voleva crescere. 

Questo era mio figlio quando era vivo, quando lottava contro tutti, mafiosi, fascisti, uomini d’onore, che non valgono neppure un soldo, padri senza figli, lupi senza pietà. 

Parlo con lui da vivo, non so parlare con i morti. 

L’aspetto giorno e notte, ora si apre la porta, entra, mi abbraccia, lo chiamo, è nella sua stanza a studiare, ora esce, ora torna, il viso nero come la notte, ma se ride è il sole che spunta per la prima volta, il sole bambino. 

Questo non è mio figlio, questa bara piena di brandelli di carne non è Peppino: qui dentro ci sono tutti i figli che non son potuti nascere in un’altra Sicilia.

Felicia Bartolotta, coniuge Impastato (Cinisi, 24 maggio 1916 – Cinisi, 7 dicembre 2004), è diventata famosa per essere stata la madre di Peppino Impastato e per aver combattuto con l’obiettivo di fare arrestare i responsabili della morte del figlio.